இரவில் சாப்பிடக்கூடாத உணவுகள் – ஆரோக்கியத்திற்கு ஆபத்தான 10 உணவுகள்!...

பலரும் இரவு நேரங்களில் தாமதமாக உணவு சாப்பிடுவது அல்லது ஆரோக்கியமற்ற ஸ்நாக்ஸ் சாப்பிடுவது போன்ற பழக்கங்களை கொண்டுள்ளனர். ஆனால், நாம் இரவில் என்ன சாப்பிடுகிறோம் என்பது நம் உடல் நலம், செரிமானம், தூக்கத்தின் தரம் மற்றும் உடல் எடை ஆகியவற்றை நேரடியாக பாதிக்கிறது.

சில உணவுகள் இரவில் சாப்பிட்டால் வயிற்று எரிச்சல், அஜீரணம், தூக்கமின்மை, உடல் பருமன் மற்றும் அடுத்த நாள் சோர்வு போன்ற பிரச்சனைகளை ஏற்படுத்துவதற்கான வாய்ப்பு அதிகம் உள்ளனர். எனவே, இரவில் தவிர்க்க வேண்டிய உணவுகளைப் பற்றி தெரிந்து கொண்டு, சரியான உணவுப் பழக்கத்தை கடைப்பிடிப்பது மிகவும் அவசியம் ஆகுகிறது.

இந்த பதிவில், இரவில் சாப்பிடக்கூடாத 10 முக்கிய உணவுகள் மற்றும் அதற்கான காரணங்களை பற்றி  விரிவாகப் பார்ப்போம்.

1. எண்ணெயில் பொரித்த உணவுகள்

பஜ்ஜி, வடை, சமோசா, சிக்கன் ஃப்ரை, ஃப்ரெஞ்ச் ஃப்ரைஸ் போன்ற எண்ணெயில் பொரித்த உணவுகள் இரவில் சாப்பிடுவதற்கு ஏற்றவை அல்ல.

ஏன் தவிர்க்க வேண்டும்?

செரிமானம் மெதுவாக நடக்கும்.வயிற்று உப்புசம் மற்றும் அஜீரணம் ஏற்படும்.அதிக கலோரி காரணமாக உடல் எடை அதிகரிக்க கூடும்.தூக்கத்தின் தரம் குறையலாம்.

மாற்று தேர்வு: வேகவைத்த காய்கறிகள் அல்லது லேசான சூப்.

2. அதிக காரம் மற்றும் மசாலா உணவுகள்

அதிக மிளகாய் மற்றும் மசாலா சேர்க்கப்பட்ட பிரியாணி, கிரேவி வகைகள் போன்றவை இரவில் சாப்பிடும்போது வயிற்று எரிச்சலை அதிகரிக்கலாம்.

பாதிப்புகள்:

• Acid Reflux (வயிற்று அமிலம் மேலேறுதல்)
• நெஞ்செரிச்சல்
• தூக்கக் கோளாறு
• செரிமான சிக்கல்கள்

குறிப்பு: இரவு உணவை எளிமையாகவும், குறைந்த மசாலாவுடனும் தயாரிக்கவும்.

3. இனிப்புகள் மற்றும் சர்க்கரை அதிகம் உள்ள உணவுகள்

கேக், ஐஸ்கிரீம், சாக்லேட், இனிப்பு பானங்கள் போன்றவற்றில் அதிகளவு சர்க்கரை உள்ளது.

ஏன் இரவில் சாப்பிடக்கூடாது?

இரத்த சர்க்கரை அளவு திடீரென உயரும். உடலில் தேவையற்ற கலோரிகள் சேரும்.கொழுப்பு சேமிப்பு அதிகரித்து உடல் பருமன் ஏற்படும்.சிலருக்கு தூக்கமின்மை ஏற்பட வாய்ப்பு உள்ளது.

4. குளிர்பானங்கள் மற்றும் கார்பனேட்டட் பானங்கள்

சோடா, கோலா, எனர்ஜி டிரிங்க்ஸ் போன்ற பானங்கள் இரவில் குடிப்பது நல்லதல்ல.

காரணங்கள்:

• அதிக சர்க்கரை மற்றும் செயற்கை சேர்மங்கள்.
• வயிற்றில் வாயு உருவாகுதல்.
• சில பானங்களில் உள்ள கஃபைன் தூக்கத்தை பாதித்தல்.
• உடல் எடை அதிகரிக்கும் அபாயம் உள்ளது.

மாற்று: வெதுவெதுப்பான தண்ணீர் அல்லது மூலிகை டீ.

5. கஃபைன் அதிகம் உள்ள பானங்கள்

காபி, ஸ்ட்ராங் டீ, எனர்ஜி டிரிங்க்ஸ் ஆகியவற்றில் கஃபைன் அதிகமாக உள்ளது. அதனால் இதனை இரவு நேரங்களில் குடிக்க கூடாது.

குடித்தால் என்ன நடக்கும் என்று தெரியுமா?

மூளை சுறுசுறுப்பாக இருந்து தூக்கம் தாமதமாகும்.  ஆழ்ந்த தூக்கம் குறையும்.மறுநாள் சோர்வு மற்றும் கவனக்குறைவு ஏற்படுவதற்கான வாய்ப்புகள் உள்ளனர்.

சிறந்த நடைமுறை: தூங்குவதற்கு குறைந்தது 5–6 மணி நேரத்திற்கு முன்பே கஃபைன் பானங்களை நிறுத்துவது நல்லது.

6. அதிக கொழுப்பு நிறைந்த ஃபாஸ்ட் ஃபுட்

பீட்சா, பர்கர், ஷவர்மா, ஃப்ரைடு சிக்கன் போன்ற ஃபாஸ்ட் ஃபுட் உணவுகள் அதிக கொழுப்பு மற்றும் உப்பு கொண்டவை. அதனால் இரவு நேரங்களில் இதனை சாப்பிடுவதை தவிர்க்கவும்.

இரவு நேரத்தில் சாப்பிட்டால் என்ன நடக்கும்?

செரிமானம் நீண்ட நேரம் எடுக்கும்.வயிற்று அசௌகரியம் ஏற்படும்.உடல் பருமன் அதிகரிக்கும்.இரத்தத்தில் கொழுப்பு அளவு அதிகரிக்கலாம்.

7. நூடுல்ஸ் மற்றும் பதப்படுத்தப்பட்ட உணவுகள்

Instant Noodles, Packaged Snacks, Chips போன்ற பதப்படுத்தப்பட்ட உணவுகளில் உப்பு மற்றும் பாதுகாப்பு ரசாயனங்கள் அதிகம் இருக்கும்.

பாதிப்புகள்:

உடலில் நீர் தங்கும் (Water Retention).அதிக சோடியம் காரணமாக இரத்த அழுத்தம் பாதிக்கப்படலாம்.நீண்ட நேரம் பசி கட்டுப்படுத்தினாலும், போதிய ஊட்டச்சத்து கிடைக்காது.

8. அதிக அளவில் சிவப்பு இறைச்சி (Red Meat)

மட்டன், பீஃப் போன்ற சிவப்பு இறைச்சிகளில் புரதமும் கொழுப்பும் அதிகம் இருப்பதால் அவை செரிமானமாக அதிக நேரம் எடுக்கும். அதனால் இரவு நேரங்களில் சிவப்பு இறைச்சி சாப்பிடுவதை தவித்திடுங்கள்.

ஏன் இரவில் தவிர்க்க வேண்டும்?

வயிறு கனமாக உணரப்படும்.அஜீரணம் ஏற்படலாம்.தூக்கத்தின் தரம் பாதிக்கப்படும்.

மாற்று: லேசாக வேகவைத்த சிக்கன் அல்லது பருப்பு வகைகள்.

9. அதிக அளவு பழங்கள்

பழங்கள் ஆரோக்கியமானவை என்றாலும், இரவு நேரத்தில் அதிக அளவில் சாப்பிடுவது சிலருக்கு செரிமான சிக்கலை ஏற்படுத்தலாம். அளவோடு சாப்பிடுவது சிறந்ததாக இருக்கும்.

குறிப்பாக:

• தர்பூசணி
• மாம்பழம்
• திராட்சை

இவை இயற்கை சர்க்கரையை கொண்டுள்ளதால், அளவோடு சாப்பிடுவது நல்லது.

சிறந்த தேர்வு: சிறிய அளவு ஆப்பிள் அல்லது பப்பாளி.

10. இரவில் அதிக அளவு உணவு சாப்பிடுவது

உணவின் வகை மட்டுமல்ல, அதன் அளவும் முக்கியம். இரவு நேரத்தில் வயிறு நிறைய சாப்பிடுவது உடலுக்கு சுமையாக மாறும்.

இதனால் ஏற்படும் பிரச்சனைகள்:

• அஜீரணம்
• வயிற்று எரிச்சல்
• உடல் எடை அதிகரிப்பு
• காலையில் சோர்வு

சிறந்த வழி: தூங்குவதற்கு 2 முதல் 3 மணி நேரத்திற்கு முன்பாக, மிதமான அளவில் இரவு உணவை முடித்து விடுங்கள்.

இரவில் சாப்பிட ஏற்ற ஆரோக்கியமான உணவுகள்

இரவில் பசியை அடக்குவதற்கும், நல்ல தூக்கத்திற்கும் உதவும் சில ஆரோக்கியமான உணவுகள்:

🥗 காய்கறி சூப்

🥣 ஓட்ஸ் கஞ்சி

🥛 வெதுவெதுப்பான பால் (சர்க்கரை இல்லாமல்)

🥜 ஒரு கைப்பிடி பாதாம் அல்லது வால்நட்

🍎 சிறிய அளவு ஆப்பிள் அல்லது பப்பாளி

🥗 சாலட் மற்றும் வேகவைத்த காய்கறிகள்

🍲 குறைந்த எண்ணெயில் செய்யப்பட்ட இட்லி அல்லது சப்பாத்தி

நல்ல இரவு உணவுப் பழக்கங்கள்

•  இரவு உணவை 7.00 – 8.30 மணிக்குள் சாப்பிட முயற்சிக்கவும்.
•  உணவை மெதுவாக நன்றாக மென்று சாப்பிடுங்கள்.
• உணவு சாப்பிட்டவுடன் உடனே படுக்காமல், 20–30 நிமிடங்கள் லேசாக நடக்கவும்.
•  அதிக அளவில் தண்ணீர் குடிப்பதைத் தவிர்த்து, தேவையான அளவு மட்டும் குடிக்கவும்.
• மொபைல் அல்லது டிவி பார்த்துக்கொண்டு சாப்பிடும் பழக்கத்தை குறைக்கவும்.

பொதுவாக தூங்குவதற்கு 2–3 மணி நேரத்திற்கு முன்பே இரவு உணவை முடிப்பது நல்லது.

நாம் இரவில் தேர்வு செய்யும் உணவுகள் நமது உடல் நலம் மற்றும் தூக்கத்தின் தரத்தை பெரிதும் பாதிக்கிறது. எண்ணெயில் பொரித்த உணவுகள், அதிக காரம், சர்க்கரை நிறைந்த இனிப்புகள், கஃபைன் பானங்கள் மற்றும் ஃபாஸ்ட் ஃபுட் போன்றவை இரவில் தவிர்ப்பதன் மூலம் செரிமானத்தை மேம்படுத்தி, நல்ல தூக்கத்தையும் ஆரோக்கியமான உடல் எடையையும் பராமரிக்க முடியும்.

சிறிய மாற்றங்கள் கூட நீண்ட காலத்தில் பெரிய ஆரோக்கிய நன்மைகளை அளிக்கும். எனவே, இன்று முதல் உங்கள் இரவு உணவுப் பழக்கத்தை ஆரோக்கியமானதாக மாற்றி, சுறுசுறுப்பான வாழ்க்கையை நோக்கி ஒரு நல்ல தொடக்கத்தை உருவாக்குங்கள்!